Mbrojtësi i Liverpoolit, Dejan Lovren beson se Mohamed Salah e ka ngritur vetën në një nivel të njëjtë me Lionel Messin dhe Cristiano Ronaldon këtë sezon.

Reprezentuesi egjiptian arriti në numrin prej 43 golave te “Redsat” në sezonin e tij debutues pas dy golave, po ashtu edhe dy asistimeve, në fitoren 5 me 2 në takimin e parë të gjysmëfinales në Ligë të Kampionëve kundër Romas, transmeton portali arbresh.info.

“Ai është i vetmi. Ai është duke u bërë një superyll. Duket e lehtë ajo që ka bërë, por është shumë e vështirë”, ka thënë reprezentuesi kroat.

“Nëse vazhdon ashtu – nuk e di nëse është koha e duhur për t’i vendosur presion atij – por unë besojë që ai duhet të vlerësohet si njëri nga tre sulmuesit më të mirë në botë në fund të vitit”

“Ai e meriton të përmendet për Topin e Artë, kur njerëzit flasin për Messin dhe Ronaldon ata duhet gjithashtu të flasin edhe për Salahn”

“Ai e meriton, por unë mendoj se e meriton edhe më shumë për të qenë sa më i sinqertë. 43 gola!”

Salah tashmë ka filluar të cilësohet si favorit për të fituar Topin e Artë./arbresh.info/